Archive for November 2007

ಕನ್ನಡದ ಹಬ್ಬ ಸಿಹಿಯಾಗಿರಲಿ….

November 1, 2007

ಏರಿಸು ಹಾರಿಸು
ಕನ್ನಡದ ಬಾವುಟ
ಓಹೋ ಕನ್ನಡ ನಾಡು
ಆಹಾ ಕನ್ನಡ ನುಡಿ
ಹಾರಿಸು ತೋರಿಸು
ಕೆಚ್ಚೆದೆಯ ಬಾವುಟ
 – ಬಿ.ಎಂ.ಶ್ರೀ

ನಡುನಾಡೆ ಇರಲಿ ಗಡಿನಾಡೆ ಇರಲಿ
ಕನ್ನಡದ ಕಳೆಯ ಕೆಚ್ಚೇವು
ಮರೆತೇವು ಮರವ ತೆರೆದೇವು ಮನವ
ಎರೆದೇವು ಒಲವ ಹಿರಿನೆನಪಾ
ನರನರವನೆಲ್ಲ ಹುರಿಗೊಳಿಸಿ ಹೊಸೆದು
ಹಚ್ಚೇವು ಕನ್ನಡದ ದೀಪ
 -ಡಿ.ಎಸ್.ಕರ್ಕಿ

ನೀ ಮೆಟ್ಟುವ ನೆಲ ಅದೆ ಕರ್ನಾಟಕ
ನೀನೇರುವ ಮಲೆ ಸಹ್ಯಾದ್ರಿ
ನೀ ಮುಟ್ಟುವ ಮರ ಶ್ರೀಗಂಧದ ಮರ
ನೀ ಕುಡಿಯುವ ನೀರ್ ಕಾವೇರಿ
 -ಕುವೆಂಪು

ಹಸುರಿನ ಗಿರಿಗಳ ಮಲೆಗಳ ನಾಡೆ
ನದ ನದಿ ತೊರೆಗಳ ಪುಣ್ಯದ ಬೀಡೆ
ಖಗಮಿಗ ಮೃಗ ಕೋಗಿಲೆಗಳ ನಾಡೆ
ಗಂಧ ಸುಗಂಧದ ಪಾವನ ಬೀಡೆ
 -ಎಚ್.ಆರ್.ಲೀಲಾವತಿ

ಕನ್ನಡ ಜನ ಕನ್ನಡತನ
ಕನ್ನಡ ತನುಮನ
ಕನ್ನಡ ಮಾತು ಸುಂದರ
ಕನ್ನಡ ಮನಸು ಸುಂದರ
 -ಸಂಧ್ಯಾ ರವೀಂದ್ರನಾಥ್

Advertisements